Sadayuda Naa Yesayya Song Lyrics :
సదయుడా నా యేసయ్యా
స్తుతి ఘనతా మహిమ నీకేనయ్య ॥2॥
ప్రతి క్షణము నీ వాత్సల్యమును చూపి
విడువక ప్రేమించితివే – ఎడబాయక కాచితివే ॥2॥
నీవే స్తుతి గానము – నీవే నా విజయము
నీవే నా అతిశయం యేసయ్యా ॥2॥-॥సదయుడా॥
నా సరిహద్దులలో నెమ్మది
కలుగగా కారణము నీవే
కృపా క్షేమము నావెంట నిలువగ కనికరము నీదే ॥2॥
సన్నుతించెదనూ ఊపిరున్నంత వరకూ
విశ్రమించను నేను నిన్ను చేరేంత వరకూ ॥2॥
నిన్ను చేరేంత వరకూ… -॥నీవే స్తుతి గానము॥
పలు విధములుగా నిను విసిగించినా
నను సహియించితివే
పూర్ణ ఓరిమితో నను భరియించి భుజమున మోసితివే ॥2॥
సన్నుతించెదనూ ఊపిరున్నంత వరకూ
విశ్రమించను నేనూ నిన్ను చేరేంత వరకూ ॥2॥
నిన్ను చేరేంత వరకూ… -॥నీవే స్తుతి గానము॥
